Julie : Ang hirap ng may minamahal pero sikreto lang. Todo deny para hindi nya malaman.
Yan ang laging nasa isip ng dalagang si Julie. Meron kasi syang lalaking minamahal. Si Elmo,matagal na nya itong lihim na minamahal.
Nelle : Move-on na kasi. Kalimutan mo na sya.
Julie : Tagal ko ng ginagawa yan pero hindi talaga eh.
Nelle : Lalo ka na siguro ndi nakamove-on kung naging kayo talaga.
Julie : Baka nga mas madali magmove-on kung naging kami bago nag-break eh.
Nelle : Malay mo Ate mahal ka din nya, hindi lang nya masabi?
Julie : Ang tagal ko na naghihintay pero hindi naman sya nagpaparamdam. I doubt it.
Nelle : Hmmn wag ka nga Ate,malay mo mamaya umakyat na sya ng ligaw sa'yo.
Julie : Tse! Asa ka pa!
Nelle : Bahala ka Ate. Malay mo magdilang-anghel ako.
Julie : Ewan ko sa'yo. Dyan ka na nga!
Nelle : Si Ate ang daling mapikon,if I know pinagdarasal mo din yun na mangyari haha!
Julie : Yun ang akala mo!
Umalis na lang ang dalaga kasi baka matuluyan pa syang mapikon at kung ano pa magawa nya sa kapatid.
Julie : Kahit kailan talaga yung kapatid ko na yun buskador. Ayos lang sana kung nagkakatotoo yung sinasabi nya,eh hindi naman eh. Kainis. Hay Elmo,mahal talaga kita,kailan kaya magkakaroon ng tayo?
Mari : Tama na nga yan pag-emote mo at may ipapabili ako sa'yo.
Julie : Mama!
Mari : Oo narinig ko kaya wag ka ng magtanong. Eh kung umamin ka na lang kasi sa kanya. Malay mo hinihintay ka din nya.
Julie : No way Mama. Im still a girl at conservative pa rin ako no.
Mari : Haha binibiro lang kita. Lagi ka na lang kasi malungkot dyan.
Julie : Hindi naman ako malungkot Mama,nangangarap lang.
Mari : Sige mangarap ka. Sabi ni Gloc9 libre daw naman ang mangarap eh.
Julie : Mama talaga may ganun pa.
Mari : Sya tama na yan at gawin mo na lang iuutos ko sa'yo.
Julie : Ano po bang utos nyo?
Mari : Punta ka sa bahay ng Tito mo at kunin mo yung pinabili ko sa kanya kanina.
Julie : Eh Mama bakit kasi ndi nya na lang dinala dito o kaya idinaan?
Mari : Eh kasi pagod na daw sya. Masakit ata ang ulo.
Julie : Ah okay po. Sige po punta na ako. Papasama lang ako kay Nelle.
Mari : Ikaw na lang,wag mo na isama si Nelle at gagawa pa yun ng homework nya.
Julie : Hmpt kainis. Pero sige na nga.
Mari : Ingat ka at gabi na.
Julie : Opo.
Nagpalit lang ng kanyang suot si Julie at ng makaramdam ng pagigng kumportable ay umalis na sya. Bumalik lang sya dahil nakalimutan nya magdala ng cellphone. Gawain nya kasi yun kasi habang naglalakad sya ay nakikinig sya ng music. Naglalakad na sya ng pagdating sa kanto may biglang tumawag sa kanya.
Man : Julie!
Hindi pinansin ng dalaga ang tumawag sa kanya pero mula sa peripheral look ay nakita at nakilala nya ang tumawag sa kanya. At dahil sa kaba at halong kilig hindi nya ito pinansin. Patuloy ito sa pagtawag pero hindi pa rin nya pinansin. Hanggang narinig nya na lang na tumunog ang cellphone nya. May tumatawag. Tiningnan nya ang phone at ng makita nya na numero lang,hindi na nya pinansin. Patuloy pa rin sa pagtawag ang numerong yun,naka-sampung tawag na hindi nya sinasagot. Sa inis ata ng tumatawag nag-text na ito.
Hey Julie, please answer the phone,kanina pa kitang tinatawagan hindi ka naman sumasagot. Personal at sa cellphone snob ka. Pag hindi mo pa sinagot ang tawag ko,hahalikan kita pag dumaan ka ulit dito. Hindi ako nananakot,gagawin ko talaga yun! - Elmo
Kabadong-kabado ang dalaga dahil sa text na yun. Kaya halos mapalundag sya ng tumunog ulit ang cellphone nya. Nang makita nya na yun pa rin ang tumatawag hindi nya alam ang gagawin. Sa huli hindi nya sinagot. Nakarating sya sa bahay ng Tito nya na parang wala sa sarili.
Ric : Oh kararating mo lang parang tulala ka? May nangyari ba habang papunta ka dito?
Julie : Ah wala po Tito,napagod lang ako.
Ric : Napagod? Eh hindi naman ganun kalayo ang bahay natin sa isa't-isa.
Julie : Ah basta Tito. Nasaan na po ba yung pabili ni Mama?
Ric : Eto oh. Inihanda ko na nga agad para pagdating mo ay handa na.
Julie : Thank you po Tito. Ahmn Tito?
Ric : Oh bakit?
Julie : Eh Tito,wala na po bang ibang daan papunta sa amin na hindi dadaanan ung tindahan sa kanto?
Ric : Meron naman.
Julie : (ngumiti) Talaga Tito?
Ric : Oo nga. Dun sa may kabilang street. Iikutin mo lang naman buong subdivision bago ka makarating sa inyo. Gusto mo ba yun eh ang dilim na?
Julie : Hindi po.
Ric : Buti naman. Kasi hindi rin naman kita papayagan. Ano bang meron sa kanto at parang ayaw mong dumaan dun?
Julie : Ah wala po. Sige po uwi na po ako.
Ric : Sige. Ingat ka at magtext ka sa akin pag nasa bahay ka na,okay?
Julie : Okay po.
Umalis na nga ang dalaga. Kalalabas lang nya sa gate ng bahay ng Tito nya ay tumunog na ulit ang CP nya. Hindi nya ito pinansin at nagpatuloy lang sa paglalakad.
Julie : Bahala ka sa buhay mo. Hindi ako natatakot sa'yo. Daming tao,ewan ko lang kung magawa mo yun.
Patuloy lang sa paglalakad ang dalaga. Wala syang pakialam sa paligid. Paminsan-minsan pag may bumabati sa kanya ay binabati din nya. Hanggang sa maramdaman nyang malapit na sya sa kanto. Hindi sya tumingin o lumilingon sa takot na baka magkahulihan sila ng tingin ni Elmo. Ngingiti na sana ang dalaga ng mapansin nya na wala ito ng bigla na lang maramdaman nya may humila sa kamay nya at pagharap nya,si Elmo ang nakita nya.
Elmo : Wag mong sabihin ndi kita winarningan. Lahat ng sinasabi ko ginagawa ko.
Pagkasabi noon ay hinalikan ng binata ang dalaga na hindi man lang nakaporma. At dahil nagulat si Julie malayang nahalikan ni Elmo ang dalaga. Palalim ng palalim ang humalik at natigil lang yun ng makaramdam ang dalaga na mauubusan na sya ng hininga. Nagawa nyang itulak ang binata at ng bitawan sya nito ay sinampal nya ito.
Elmo : (gulat) Bakit mo ako sinampal?
Julie : At nagtanong ka pa! Ang kapal mo din manghalik ah!
Elmo : (ngumisi) Kasalanan mo din naman eh!
Julie : At ako pa ang may kasalanan ngayon?
Elmo : Di ba sabi ko sa'yo-
Julie : Wala akong pakialam dun sa sinabi mo. Ang akin lang wala kang karapatan nakawin ang first kiss ko!
Elmo : Uy ang swerte ko pala at ako ang first kiss mo. (ngiti)
Julie : Letse ka! Kinamumuhian kita!
Pagkasabi nun ay pinulot ni Julie ang lahat ng bitbit nya at tinalikuran na ang binata. Taas-noo syang naglakad at parang walang nagyari. Muntik na syang mapalundag ng biglang sumigaw ang binata.
Elmo : Humanda ka mamaya! Manliligaw na ako!
Naghiyawan ang mga nakarinig. Ang dalaga naman napangiti na lang habang naglalakad. At sa isip ay sinabing :
"Sige gawin mo. Patunayan mo at wag puro salita lang. Tagal na kitang hinihintay eh. "
At dire-diretso ng naglakad ang dalaga.
No comments:
Post a Comment